Жывая творчая рэклама Вашага бізнесу

Анімаваная, друкаваная, тэкставая, ілюстраваная прадукцыя,
адаптаваная да інтэрнэта

Каштарыс

Дынаміка і мабільнасць перадусім

У свеце існуе мноства мабільных прыладаў.
Мы робім акцэнт на адаптыўнасць і кросплатформенасць.
Імкнемся аптымізаваць загрузку праз сецева.

Колькасць малюнкаў: 0.
Колькасць шрыфтоў: 1.

Матэматычна разлічаная анімацыя замест пакадравай

Замест статычнага малюнку або пакадравай анімацыі (*.gif) мы прапаноўваем дынамічны (Html5, Javascript-based) банер, дзе анімацыю выконваюць матэматычныя функцыі.

Прыклады

Перавагі жулжан-анімацыі

Дынамічная тэхналогія распрацоўкі жывых анімацый выглядае больш гладка і дазваляе рэалізаваць большую колькасць графічных эфектаў, якія з'яўляюцца запраграмаванымі, а не намаляванымі, што часта скарачае аб'ём дадзеных.

Хуткая загрузка файлаў невялікага памеру

Часта ў анімацыі захоўваецца кожны кадр (*.gif), або змены наступнага кадра ад папярэдняга, гэта павялічвае зыходны памер файла і запавольвае загрузку ўсёй старонкі сайта для кліента. Апроч таго, гэта дадаткова нагружае ваш сервер (калі маеце вялікую наведвальнасць і не маеце кэша).

У выпадку жулжан-анімацыі - усе дынамічныя элементы прапісаны ў матэматычным кодзе, які хутка грузіцца кліенту.

Лёгкасць рэдагавання

Такі падыход дазваляе дынамічна падгружаць любы тэкст у банер, не адкрываючы графічны рэдактар і не звяртаючыся да мастака.

Такім чынам, лёгка можна напісаць у самім жулжан-банеры назву катэгорыі або імя аўтарызаванага карыстальніка. Гэта зробіць старонку больш персаналізаванай. У Вас будзе адзіны зыходны файл для ўсіх катэгорый і ўсіх карыстальнікаў.

Гнуткасць і адаптыўнасць

На статычных малюнак аніяк немагчыма прадугледзець розныя паводзіны для розных дэвайсаў.

Жулжан-анімацыя можа выглядаць па-рознаму для планшэта, смартфона і кампутара. А таксама можа рэагаваць на націскі клавіятуры або рухі мышкаю.

Магчымасць хостынгу ў нашым «воблаку»

Статычныя малюнкі банероў Вам даводзіцца захоўваць у сябе на серверы і абнаўляць пры патрэбе. Бывае, праз годы жыцця сайту, яны цяжкім баластам захламляюць дыскавую прастору сервера.

Мы дазваляем (але не абавязваем) захоўваць жулжан-банер у нашым воблаку. Калі Вы даверыце гэта нам (і гэта пасуе ў Вашым выпадку), на Вашым баку будзе толькі кампактны JS-код.